மகிந்த ஆதரவு கூட்டத்தால் போக்குவரத்து நெரிசல்

முன்னாள் ஜனாதிபதி மகிந்த ராஜபக்சவை மீண்டும் அரசியலுக்கு கொண்டு வரும் நோக்கில் நுகேகொடை பிரதேசத்தில் நடைபெறும் பொதுக் கூட்டத்தில் பெருந்திரளான மக்கள் கலந்து கொண்டுள்ளதாக தெரியவருகிறது.
இந்த கூட்டம் காரணமாக நுகேகொடை பிரதேசத்தில் உட்பட ஹைலேவல் வீதியில் போக்குவரத்து நெரிசல் ஏற்பட்டுள்ளதாக அங்கிருந்து கிடைக்கும் தகவல்கள் தெரிவிக்கின்றன.

பொதுஜன ஐக்கிய முன்னணியின் சில சிறு பங்காளிக் கட்சிகள் ஏற்பாடு செய்திருக்கும் இக்கூட்டத்தில் பாராளுமன்ற உறுப்பினர்களான விமல் வீரவன்ச, வாசுதேவ நாணயக்கார, மாகாணசபை உறுப்பினர் உதய கம்மன்பில மற்றும் பிரபல பாடகர் மதுமாத அரவிந்த ஆகியோர் பங்கேற்றுள்ளனர்.

மாகாண சபை மற்றும் உள்ளூராட்சி மன்றங்களின் சில உறுப்பினர்களும் கலந்து கொண்டுள்ளனர்.