துமிந்த சில்வாவின் சகாக்களிடம் விசாரணை

நாடாளுமன்ற உறுப்பினர் துமிந்த சில்வாவின் அரசியல் ஒருங்கிணைப்பாளர்களை குற்றப் புலனாய்வு திணைக்களம் இன்று விசாரணைக்கு அழைத்துள்ளது.
சர்வதேச ஹெரோயின் போதைப் பொருள் வர்த்தகரான வெலே சுதாவிடம் நடத்தப்பட்ட விசாரணைகளுக்கு அமைய நாடாளுமன்ற உறுப்பினர் துமிந்த சில்வாவிடம் அண்மையில் விசாரணை நடத்தப்பட்டது.

அத்துடன் அவரது அலுவலகத்தில் பணியாற்றும் ஊழியர்கள் அழைக்கப்பட்டு விசாரணைக்கு உட்படுத்தப்பட்டிருந்தனர்.

துமிந்த சில்வா மீதான போதைப் பொருள் வியாபார குற்றச்சாட்டு குறித்து குற்றப் புலனாய்வு திணைக்களத்தின் மூன்று குழுக்கள் விசாரணைகளை நடத்தி வருகின்றன.