நாட்டின் தலைமைத்துவத்தை எப்படியாவது கைப்பற்றுவதே பசிலின் நோக்கம்: சரத் குமார

முன்னாள் அமைச்சர் பசில் ராஜபக்சவிற்கு தேவைபட்டது அடுத்த ஜனாதிபதி பதவியே என கூட்டணி உறுப்பினர் சரத் குமார குனரத்ன தெரிவித்துள்ளார்.
நேற்று நீர்க்கொழும்பில் இடம் பெற்ற கூட்டத்தில் கலந்து கொண்டு கருத்து தெரிவிக்கும் போது அவர் இவ்வாறு தெரிவித்துள்ளார்.

இது தாங்கள் வேண்டும் என்றே ஏற்படுத்திக்கொண்ட தோல்வி.

பசில் ராஜபக்ச தேசியக் கூட்டணி என்ற ரீதியில் பதவிகளை பெற்றுக்கொண்டு பொருளாதார விவகாரங்கள் என்று கூறி சகல அமைச்சர்களையும் பயமுறுத்தி அமைச்சரவையை அமைத்துக்கொண்டு சகல திட்டங்களையும் தன் கைக்குள் வைத்துக்கொண்டு கடமை புரிந்தார்.

குறித்த திட்டங்கள் அனைத்தும் பசில் ஊடாகவே செயற்படுத்தப்பட வேண்டும். எனவே மற்றைய அமைச்சர்கள் பயத்துடனே காணப்பட்டார்கள்.

இறுதியில் முன்னாள் ஜனாதிபதி மகிந்த ராஜபக்ச கூட பசில் கூறியது போன்றே செயற்பட்டதனை எங்களால் காணக்கூடியதாக இருந்தது.

பசிலின் நோக்கமாக இருந்தது எப்படியாவது நாட்டின் தலைமைத்துவத்தை பெற்றுக்கொள்வதே என சரத் குமார குனரத்ன தெரிவித்துள்ளார்.