கொழும்பு துறைமுக திட்டம் குறித்து பிரதமரே கருத்துக் கூற முடியும்: தேசிய நிறைவேற்று சபை

சீனாவின் நிதியுதவியுடன் மேற்கொள்ளப்பட்டு தற்போது சர்ச்சைக்குள்ளாகியிருக்கும் “கொழும்பு துறைமுக நகரம்” திட்டம் தொடர்பில் பிரதமர் ரணில் விக்கிரமசிங்க மாத்திரமே கருத்துக்கூற முடியும் என தேசிய நிறைவேற்று சபை தீர்மானம் எடுத்துள்ளது.

ஏற்கனவே இந்த விடயம் தொடர்பில் அமைச்சர்களாக ராஜித சேனாரட்ன, லக்ஷ்மன் கிரியெல்ல ஆகியோர் விடுத்த முரண்பட்ட கருத்துக்களை அடுத்தே, தேசிய நிறைவேற்றுசபை பிரதம மந்திரிக்கு அந்த அதிகாரத்தை வழங்கியுள்ளது.

இது தொடர்பில் அமைக்கப்பட்டுள்ள குழு தற்போது ஆராய்வுகளை மேற்கொண்டுள்ளது. இதன் அறிக்கை 45 நாட்களுக்குள் வெளியாகும். இதனையடுத்து கொழும்பு துறைமுக நகரம் திட்டம் சூழலுக்கு பாதிப்பை ஏற்படுத்தும் என்ற தெரிய வந்தால், அந்த திட்டம் ரத்துச் செய்யப்படும் என்று அரசாங்கம் அறிவித்துள்ளது.