யுத்த குற்ற விசாரணை அறிக்கை சமர்ப்பித்தல் தொடர்பாக திங்களன்று கூட்டம்!

இலங்கையின் யுத்த குற்ற விசாரணை அறிக்கை சமர்ப்பிப்பது குறித்து எதிர்வரும் திங்கட்கிழமை ஜெனிவாவில் தீர்மானிக்கப்படவுள்ளது.
ஜெனீவாவில் நடைபெறவுள்ள கூட்டத்திலேயே இத் தீர்மானம் எட்டப்படவுள்ளதாக ரொய்ட்டர்ஸ் செய்தி நிறுவனம் தகவல் வெளியிட்டுள்ளது.

இலங்கையில் இடம்பெற்ற யுத்த குற்றங்கள் குறித்து மேற்கொள்ளப்பட்ட விசாரணைகளின் அறிக்கை எதிர்வரும் மார்ச் மாதம் 25ம் திகதி ஐ.நா மனித உரிமைகள் பேரவை கூட்டத்தில் சமர்ப்பிக்க திட்டமிடப்பட்டுள்ளது.

இந்நிலையில் இலங்கையில் ஏற்பட்டுள்ள ஆட்சி மாற்றத்தினால் உள்நாட்டு பொறிமுறையை உருவாக்குவதற்கு எதிர்வரும் ஓகஸ்ட் மாதம் வரை கால அவகாசம் வழங்குமாறு புதிய அரசாங்கம் கோரிக்கை விடுத்துள்ளது.

இதனையடுத்து இவ் அறிக்கையை சமர்ப்பித்தல் தொடர்பாக எதிர்வரும் திங்கட்கிழமை ஜெனிவாவில் நடக்கவுள்ள ஐ.நா மனித உரிமைகள் பேரவையின் குழுக் கூட்டத்தில் விவாதிப்பதற்கு தீர்மானிக்கப்பட்டுள்ளதாக ரொய்ட்டர்ஸ் செய்தி நிறுவனம் தெரிவித்துள்ளது.