ஜோன் அமரதுங்கவுக்கு எதிரான நம்பிக்கையில்லா தீர்மானத்தில் 115 பேர் கையெழுத்திட்டுள்ளனர்

சட்டம் ஒழுங்கு மற்றும் அனர்த்த முகாமைத்துவ அமைச்சர் ஜோன் அமரதுங்கவுக்கு எதிரான நம்பிக்கையில்லா தீர்மானம் தொடர்பான யோசனை நேற்று சபாநாயகரிடம் கையளிக்கப்படவில்லை.
மேலும் சில நாடாளுமன்ற உறுப்பினர்கள் அதில் கையெழுத்திட வேண்டியிருந்தால், நேற்று கையளிக்கப்படவில்லை என ஐக்கிய மக்கள் சுதந்திர முன்னணி தெரிவித்துள்ளது.

எதிர்க்கட்சி கொண்டு வரவுள்ள இந்த நம்பிக்கையில்லா தீர்மானம் தொடர்பான யோசனையில் இதுவரை 115 நாடாளுமன்ற உறுப்பினர்கள் கையெழுத்திட்டுள்ளனர்.

இவர்கள் அனைவரும் ஐக்கிய மக்கள் சுதந்திர முன்னணியின் நாடாளுமன்ற உறுப்பினர்கள் என எதிர்க்கட்சியின் பிரதான அமைப்பாளர் ஜோன் செனவிரட்ன தெரிவித்துள்ளார்.

ஏனைய கட்சிகளின் நாடாளுமன்ற உறுப்பினர்களும் யோசனையில் கையெழுத்திட விரும்ப தெரிவித்துள்ளனர். நாடாளுமன்ற உறுப்பினர்கள் கையெழுத்திட்டதும் யோசனை சபாநாயகரிடம் கையளிக்கப்படும் என ஜோன் செனவிரட்ன தெரிவித்துள்ளார்.

வத்தளை பிரதேச சபையில் கடந்த 30 ஆம் திகதி 4 பேர் மீது தாக்குதல் நடத்தப்பட்ட சம்பவம் தொடர்பாகவே ஜோன் அமரதுங்கவுக்கு எதிராக இந்த நம்பிக்கையில்லா தீர்மானம் கொண்டு வரப்பட உள்ளது.