குமார் குணரட்னத்தை 18ம் திகதி வரை நாடு கடத்த தடை - நீதிமன்றம் இன்று உத்தரவு

by oviya Fri Feb 13, 2015 2:16 pm

முன்னிலை சோசலிச கட்சியின் அரசியல் பிரிவு உறுப்பினர் குமார் குணரட்னத்தை 18ம் திகதி வரையில் நாடு கடத்தக் கூடாது என நீதிமன்றம் உத்தரவிட்டுள்ளது.
உச்ச நீதிமன்றம், குடிவரவு குடியகழ்வுத் திணைக்களத்திற்கு இந்த உத்தரவினை பிறப்பித்துள்ளது.

சட்டவிரோதமான முறையில் தம்மை நாடு கடத்த அரசாங்கம் முயற்சிப்பதாக குமார் குணரட்னம் நீதிமன்றில் அடிப்படை உரிமை மீறல் மனுவொன்றை தாக்கல் செய்திருந்தார். இந்த மனு மீதான விசாரணைகள் மீளவும் இன்று எடுத்துக்கொள்ளப்பட்டது.

குமார் குணரட்னத்தை 13ம் திகதி வரையில் நாடு கடத்தவோ அல்லது கைது செய்யவோ கூடாது என இதற்கு முன்னதாக உச்ச நீதிமன்றம் உத்தரவிட்டிருந்தது.

வீசா காலாவதியாகியதன் பின்னர் நாட்டில் சட்டவிரோதமான முறையில் தங்கியிருந்து அரசியல் செயற்பாடுகளில் ஈடுபட்டு வருவதாக குமார் குணரட்னம் மீது குற்றம் சுமத்தப்பட்டுள்ளது.

அவுஸ்திரேலிய பிரஜையான குமார் குணரட்னம் 30 நாள் சுற்றுலா வீசா அடிப்படையில் கடந்த ஜனவரி மாதம் இலங்கைக்கு வியஜம் செய்திருந்தார்.

குமார் குணரட்னம் அரசியலில் ஈடுபட அனுமதியளிக்க வேண்டுமெனவும் இலங்கையில் தங்கியிருக்க சந்தர்ப்பம் வழங்கப்பட வேண்டுமெனவும் முன்னிலை சோசலிச கட்சி உள்ளிட்ட சில தரப்பினர் கோரி வருகின்றமை குறிப்பிடத்தக்கது.