கட்சிக்கு விரோதமாக செயற்பட்டவர்களுக்கு எதிராக மூன்று கட்டங்களில் நடவடிக்கை: சுதந்திரக் கட்சி

கட்சிக்கு விரோதமாக செயற்பட்டவர்களுக்கு எதிராக மூன்று கட்டங்களில் நடவடிக்கை எடுக்கப்பட உள்ளதாக ஸ்ரீலங்கா சுதந்திரக் கட்சி அறிவித்துள்ளது.
ஸ்ரீலங்கா சுதந்திரக் கட்சியின் தீர்மானங்களுக்கு விரோதமான முறையில் செயற்பட்ட அனைவருக்கு எதிராகவும் நடவடிக்கை எடுக்கப்படும் என கட்சியின் பொதுச் செயலாளர் அனுரபிரியதர்சன யாபா தெரிவித்துள்ளார்.

எதிர்வரும் நாட்களில் மூன்று கட்டங்களாக கட்சித் தாவிய உறுப்பினர்களுக்கு எதிராக நடவடிக்கை எடுக்கத் திட்டமிடப்பட்டுள்ளது. கட்சி உறுப்புரிமையை ரத்து செய்தல் ஒழுக்காற்று நடவடிக்கை எடுத்தல் மற்றும் கட்சியிலிருந்து நீக்குதல் ஆகிய மூன்று கட்டங்களின் அடிப்படையில் கடுமையான நடவடிக்கை எடுக்கப்படும் என அவர் தெரிவித்துள்ளார்.

ஸ்ரீலங்கா சுதந்திரக் கட்சியின் பொதுச் செயலாளர் மைத்திரிபால சிறிசேன உள்ளிட்ட கட்சியின் முக்கிய உறுப்பினர்கள் பலர் ஆளும் கட்சியை விட்டு விலகி எதிர்க்கட்சியில் இணைந்து கொண்டிருந்தமை குறிப்பிடத்தக்கது.