உயர்தர பரீட்சார்த்திகள் இருவரிடமிருந்து தொலைபேசி மீட்பு

கல்முனையில் க.பொ.த உயர்தர பரீட்சை மத்திய நிலையத்தில் பரீட்சார்த்திகள் இருவரிடமிருந்த இரு கையடக்கத் தொலைபேசிகள் இன்று மீட்கப்பட்டுள்ளன.
கல்முனை அல்மனார் மத்திய மகா வித்தியாலய பரீட்சை மத்திய நிலையத்தில், பரீட்சை எழுதிய மாணவர் ஒருவரிடம் இருந்தும்,

மட்டக்களப்பு, கோட்டைக் கல்லாறு மகா வித்தியாலய பரீட்சை மத்திய நிலையத்தில், பரீட்சை எழுதிய மாணவரிடமிருந்தும் கையடக்கத் தொலைபேசி மீட்கப்பட்டுள்ளதாக பரீட்சை ஆணையாளர் நாயகம் டப்ளியு. எம்.என்.ஜே. புஷ்பகுமார தெரிவித்துள்ளார்.

இவர்களுடைய பெறுபேறுகள் தடை செய்யப்படும் என்றும் ஆணையாளர் நாயகம் தெரிவித்துள்ளார்.

பரீட்சை மத்திய நிலையத்தில் சரியான முறையில் கண்காணிப்பு நடக்காமையினால் இவ்வாறு நிகழ்ந்துள்ளதாக தெரிவிக்கப்பட்டுள்ளது.

இதற்கு பொறுப்பான, மத்திய நிலைய பொறுப்பதிகாரி மற்றும் ஏனைய அதிகாரிகளை உடனடியாக அகற்ற நடவடிக்கை எடுக்கப்பட்டுள்ளது என்றும் அவர் சுட்டிக்காட்டியுள்ளார்.

இதேவேளை, பரீட்சை சட்டதிட்டங்களை மீறும் வகையில் நடந்துகொள்ளும் அனைவருக்கும் எதிராக சட்டநடவடிக்கை எடுக்கப்படும் என்றும் அவர் அறிவுறுத்தியுள்ளார்.