பிரதமருக்கு எதிரான பிரேரணைக்கு ஜனாதிபதி எதிர்ப்பல்ல: பந்துல

பிரதமர் ரணில் விக்ரமசிங்வுக்கு எதிராக கொண்டு வரப்பட்டுள்ள நம்பிக்கையில்லா பிரேரணை தொடர்பில் ஜனாதிபதி எவ்வித எதிர்ப்பையும் வெளியிடவில்லை என நாடாளுமன்ற உறுப்பினர் பந்துல குணவர்தன தெரிவித்துள்ளார்.
பிரதமருக்கு எதிரான நம்பிக்கையில்லா பிரேரணையை நீக்குவதற்கு ஜனாதிபதி தீர்மானத்துள்ளதாக ஊடகங்களில் வெளியான செய்தி தொடர்பில் கருத்து வெளியிடும் போதே அவர் இவ்வாறு குறிப்பிட்டுள்ளார்.

ஜனாதிபதி தலைமையில் இடம்பெற்ற கூட்டணி கூட்டத்தில் நம்பிக்கையில்லா பிரேரணை தொடர்பில் கலந்துரையடப்படவில்லை என அவர் சுட்டிக்காட்டியுள்ளார்.

எனவே நம்பிக்கையில்லா பிரேரணை திட்டமிட்ட வகையில் சமர்ப்பிக்கப்படும் என அவர் கூறியுள்ளார்.

எப்படியிருப்பினும் நம்பிக்கையில்லா பிரேரணையை நீக்குமாறு சுதந்திர கட்சி உறுப்பினர்களுக்கு ஜனாதிபதி அறிவித்துள்ளதாக அரசியல் வட்டாரங்கள் தெரிவித்துள்ளமை குறிப்பிடத்தக்கது.