கொண்டைக்கடலை முட்டை கறி

1. முட்டை - 4
2. கொண்டைக்கடலை - 1/2 கப்
3. வெங்காயம் - 2
4. இஞ்சி - 1 துண்டு
5. பூண்டு - 4 பல்
6. கறிவேப்பிலை - சிறிது
7. எண்ணெய் - தேவைக்கு
8. தக்காளி - 1
9. கொத்தமல்லி இலை
10. உப்பு
11. மஞ்சள் தூள்
12. முந்திரி - 6
வறுத்து அரைக்க:
13. மிளகாய் வற்றல் - 6
14. தனியா - 2 தேக்கரண்டி
15. கசகசா - 2 தேக்கரண்டி
16. தேங்காய் துருவல் - 2 மேஜைக்கரண்டி
17. பட்டை - 1 துண்டு
18. லவங்கம் - 3
19. ஏலக்காய் - 2
20. நட்சத்திர மொக்கு - 1/2
21. எண்ணெய் - 2 தேக்கரண்டி
22.. கறிவேப்பிலை - சிறிது


கடாயில் எண்ணெய் விட்டு காய்ந்ததும் மல்லி விதை, மிளகாய் வற்றல், கசகசா, பட்டை, லவங்கம், ஏலக்காய், கறிவேப்பிலை, நட்சத்திர மொக்கு, அனைத்தையும் வறுக்கவும். கடைசியாக தேங்காய் துருவல் சேர்த்து வதக்கி எடுத்து ஆற வைக்கவும்.
ஆறியதும் ஊற வைத்த முந்திரி சேர்த்து மசாலாவாக நைசாக அரைத்து எடுக்கவும்.
பாத்திரத்தில் எண்ணெய் விட்டு காய்ந்ததும் கறிவெப்பிலை தாளித்து, வெங்காயம் வதக்கவும். பாதி வதங்கியதும் நசுக்கிய இஞ்சி பூண்டு சேர்த்து வதக்கவும்.
பின் தக்காளி சேர்த்து வதக்கவும். இதில் அரைத்த விழுது, ஊற வைத்து வேக வைத்த கொண்டைக்கடலை, மஞ்சள் தூள், உப்பு சேர்த்து கொதிக்க விடவும்.
மசாலா வாசம் போய் எண்ணெய் பிரிய துவங்கும் போது முட்டையை உடைத்து ஊற்றவும்.
கிளறாமல் மூடி விட்டு வெந்ததும் எடுக்கவும்.
மல்லித்தழை தூவி எடுக்கவும். சுவையான கொண்டைக்கடலை முட்டை கறி தயார்.