பிரதி அமைச்சு பதவியை பொறுப்பேற்க மறுக்கும் திஸ்ஸ

தனக்கு வழங்கப்பட்ட பிரதி அமைச்சு பதவியை பொறுப்பேற்க மாட்டேன் என ஐக்கிய மக்கள் சுதந்திர கூட்டமைப்பின் பாராளுமன்ற உறுப்பினர் திஸ்ஸ கரலியத்த தெரிவித்துள்ளார்.
அவர் இந்த தீர்மானம் குறித்து பாராளுமன்றத்திற்கு அறிவித்துள்ளதாக ஊடகங்களுக்கு செய்தி வெளியிட்டுள்ளார்.

தேசிய அரசாங்கம் அமைக்கப்பட்டதன் பின்னர் ஸ்ரீலங்கா சுதந்திர கட்சியை சேர்ந்த சில உறுப்பினர்களுக்கு அமைச்சு பதவிகள் வழங்கப்பட்டன.

இதன் போது பாராளுமன்ற உறுப்பினர் திஸ்ஸ கரலியத்தவிற்கு புத்தசாசன மற்றும் ஜனநாயக நிர்வாகம் தொடர்பான பிரதி அமைச்சு பதவி வழங்கப்பட்டது.

எனினும் மனசாட்சிக்கு விரோதமாக குறித்த அமைச்சின் பணிகளை தன்னால் முன்னெடுத்து செல்ல முடியாது என அவர் குறிப்பிட்டுள்ளதுடன்,

இந்த அமைச்சு பதவிக்கு கரு ஜயசூரியவே பொருத்தமானவர் எனவும் பாராளுமன்ற உறுப்பினர் திஸ்ஸ கரலியத்த தெரிவித்துள்ளார்.