புதிய அமைச்சர்களின் நியமனமானது மைத்திரி அரசை சீர்குலைக்கும் மகிந்த ராஜபக்சவின் திட்டம்

அரசாங்கத்திற்கு ஆதரவு வழங்குவதற்காக மகிந்த ராஜபக்ச ஆதரவாளர்களான 26 பேர் அண்மையில் அமைச்சு பதவிகளை ஏற்றமையானது ஜனாதிபதி மைத்திரிபால சிறிசேனவின் ஆட்சியை சீர்குலைப்பதற்காக திட்டமிட்ட செயற்பாடு என தகவல்கள் வெளியாகியுள்ளது.
மகிந்த ராஜபக்சவின் ஆதரவாளரான திஸ்ஸ கரலியத்த தான் பெற்றுக்கொண்ட பிரதியமைச்சர் பதவியை கைவிட போவதாகவும் கட்சியினரும் மக்களும் பிரதியமைச்சர் பதவியை பெற்றது குறித்து அதிருப்தியில் இருப்பதே இதற்கு காரணம் எனவும் கூறியிருந்தார்.

ஜனாதிபதி மைத்திரிபால சிறிசேனவுக்கு ஆதரவு வழங்குவதாக கூறி அமைச்சு பதவிகளை பெற்றுக்கொண்ட 26 பேரில் பெரும்பாலானவர்கள் மகிந்த ராஜபக்சவுக்கு மிகவும் நெருக்கமானவர்கள்.

அமைச்சு பதவிகளை பெற்றுக்கொண்டுள்ள இவர்கள், மகிந்த ராஜபக்ச கலந்து கொண்ட நிகழ்ச்சிகளிலும் கலந்து கொண்டுள்ளதாக தெரியவருகிறது.

அமைச்சர் பதவிகளில் சில காலம் இருந்து விட்டு பல்வேறு காரணங்களை கூறி பதவிகளில் இருந்து விலகுவதே இவர்களின் திட்டமாகும்.

மைத்திரிபால சிறிசேனவின் ஆட்சி வியூகத்தில் சிக்கலை ஏற்படுத்துவதே இந்த திட்டத்தின் முக்கிய நோக்கம் என தகவல்கள் தெரிவிக்கின்றன.

இந்த செயற்பாடுகளின் பின்னணியில் மகிந்த ராஜபக்சவும் மேலும் சிலரும் இருப்பதாக கூறப்படுகிறது.