கசினோவுக்கு வரி அறவிடுவது நல்லது: நாமல் ராஜபக்ச

கசினோ வர்த்தகத்திற்கு வரி அறிமுகப்படுத்தியமை சிறந்த விடயம் எனவும் கசினோ களியாட்ட விடுதிகளுக்கு மேலும் அதிகமான வரியை அறவிட்டாலும் அதனை தாம் விரும்புவதாகவும் நாடாளுமன்ற உறுப்பினர் நாமல் ராஜபக்ச நேற்று நாடாளுமன்றத்தில் தெரிவித்துள்ளார்.
கசினோ சூதாட்ட விளையாட்டு அறவிடும் அதே தொகை வரி விளையாட்டு தொலைக்காட்சி அலைவரிகளுக்கும் அறிவிடப்படுகிறது.

கசினோவுக்கும் விளையாட்டுக்கும் இருந்து தொடர்பு என்ன என்றும் அவர் கேள்வி எழுப்பியுள்ளார்.

அவர் மேலும் தெரிவிக்கையில்,

நாங்கள் நிவாரணங்களை கூடாது என்று கூறவில்லை. இது ஒரு புறம் நிவாரணங்களை வழங்கி மறுபுறம் சுரண்டும் வரவு செலவுத் திட்டமாக மாறியுள்ளது.

கசினோ சூதாட்டத்திற்கு வரி அறவிட வேண்டும் என நாங்கள் கூறமாட்டோம். நாங்கள் அது குறித்து மகிழ்ச்சியடைகிறோம். வரியை மேலும் அதிகரிக்க வேண்டும்.

கசினோவுக்கு அறவிடும் அதே வரியை விளையாட்டு அலைவரிசைகளுக்கும் அறவிடுவதைதான் எண்ணிப் பார்க்க முடியவில்லை.

அப்படியானால், கசினோவுக்கும் விளையாட்டு தொலைக்காட்சிகளுக்கு இருக்கும் தொடர்பு என்ன? எனவும் நாமல் ராஜபக்ச கேள்வி எழுப்பியுள்ளார்.