ஜாதிக ஹெல உறுமய கலைக்கப்படாது: நிஷாந்த ஸ்ரீ வர்ணசிங்க

ஜாதிக ஹெல உறுமய கட்சியை கலைத்து விட்டு அமைச்சர் சம்பிக்க ரணவக்க உட்பட அந்த கட்சியினர் ஸ்ரீலங்கா சுதந்திரக் கட்சியில் இணைந்து கொள்ள தயாராகி வருவதாக வெளியாகியுள்ள தகவல்களில் உண்மையில்லை என கட்சியின் ஊடகப் பேச்சாளரான மேல் மாகாண சபை உறுப்பினர் நிஷாந்த ஸ்ரீ வர்ணசிங்க தெரிவித்தார்.
கட்சி தீர்மானம் ஒன்றை எடுக்குமாயின் அது குறித்து கட்சியின் மத்திய செயற்குழுவில் கலந்துரையாடிய பின்னரே முடிவு செய்யப்படும், ஆனால் அப்படியான எந்த தீர்மானங்களும் இதுவரை எடுக்கப்படவில்லை என்றும் அவர் கூறியுள்ளார்.

இந்த விடயம் பற்றி கட்சியின் மத்திய செயற்குழுவில் பேசப்பட்டால் அது குறித்து நாட்டுக்கு பகிரங்கமாக அறிவிக்கப்படும்.

இதனால், ஜாதிக ஹெல உறுமய கட்சி கலைக்கப்பட்டு அனைவரும் ஸ்ரீலங்கா சுதந்திரக் கட்சியில் இணைந்து கொள்ள போவதாக வெளியாகியுள்ள தகவல்களில் எந்த உண்மையுமில்லை எனவும் நிஷாந்த ஸ்ரீ வர்ணசிங்க மேலும் தெரிவித்துள்ளார்.