மர்மமான முறையில் உயிரிழந்த 11 இந்திய அணுசக்தி விஞ்ஞானிகள்: பரபரப்பு தகவல்

இந்திய அணுசக்தி விஞ்ஞானிகளில் 11 பேர் இயற்கைக்கு மாறான வகையில் உயிரிழந்துள்ளது தகவல் அறியும் உரிமைச் சட்டத்தின் மூலம் தெரியவந்துள்ளது.
ஹரியாணாவைச் சேர்ந்த ராகுல் ஷெராவத் என்பவர் கடந்த செப்டம்பர் 21-ம் திகதி இதுதொடர்பான தகவல்களை தகவல் அறியும் உரிமைச் சட்டத்தின் மூலம் கேட்டுள்ளார்.

அந்த பதிலில், அணுசக்தித் துறையின் ஆராய்ச்சி மையங்கள், ஆய்வுக்கூடங்களில் பணிபுரிந்த 8 விஞ்ஞானிகள் மற்றும் பொறியாளர்கள் வெடிவிபத்து, தூக்குப்போட்டு தற்கொலை, கடலில் மூழ்குதல் போன்ற சம்பவங்கள் மூலம் உயிரிழந்துள்ளது அம்பலமாகியுள்ளது.

மேலும் இரு விஞ்ஞானிகள் தற்கொலை செய்து கொண்டதாகவும், ஒருவர் சாலை விபத்தில் உயிரிழந்ததாகவும் தெரிவிக்கப்பட்டுள்ளது.