ஹஜ் யாத்ரீகர்களிடம் ரூ.2.68 கோடி மோசடி செய்த நடிகை அதிரடி கைது

ஹஜ் யாத்ரீகர்களிடம் ரூ.2.68 கோடி மோசடி செய்த வழக்கில் நடிகை ஒருவர் குஜராத் பொலிசாரால் கைது செய்யப்பட்டுள்ளார்.
கன்னட நடிகை மரியா சூசைராஜ் மும்பையைச் சேர்ந்த பரோமிதா சக்ரவர்த்தி என்பவருடன் சேர்ந்து குஜராத் மாநிலம் வதோதராவில் டிக்கெட் புக்கிங் ஏஜென்சி ஒன்றை சில மாதங்களுக்கு முன்பு துவங்கினார்.

அந்த ஏஜென்சி மூலம் பல ஹஜ் யாத்ரீகர்கள் டிக்கெட் முன்பதிவு செய்தனர்.

இந்நிலையில், மரியா யாத்ரீகர்களுக்கு தெரியாமல் அவர்களின் டிக்கெட் முன்பதிவுகளை ரத்து செய்துவிட்டு அதன் மூலம் கிடைத்த ரூ.2.68 கோடி பணத்தை மோசடி செய்துள்ளார்.

இதையடுத்து பணம் கட்டி ஏமாந்தவர்கள் இது குறித்து பொலிசில் புகார் அளித்தனர்.

அந்த புகாரின்பேரில் வதோதரா பொலிசார் வழக்குப்பதிவு செய்த நிலையில் மரியா முன்ஜாமீன் கோரி குஜராத் உயர் நீதிமன்றத்தில் மனு தாக்கல் செய்தார்.

அவரது மனுவை நீதிமன்றம் தள்ளுபடி செய்ததை அடுத்து அவரை மைசூரில் உள்ள அவரது வீட்டில் வைத்து அகமதாபாத் பொலிசார் கைது செய்துள்ளனர்.