இந்தியா முழுவதும் சிறப்பாக கொண்டாடப்படும் பக்ரீத் பண்டிகை

பக்ரீத் பண்டிகையையொட்டி இந்தியா முழுவதும் நடைபெற்ற சிறப்பு தொழுகையில் ஏராளமானோர் பங்கேற்றனர்.
இஸ்லாமியர்கள் தியாக திருநாளான பக்ரீத் பண்டிகையை இன்று உற்சாகமாக கொண்டாடி வருகின்றனர்.

தமிழகத்தில் நெல்லை மாவட்டம் கடையநல்லூர் பெரிய பள்ளிவாசல் காயிதே மில்லத் திடல் மற்றும் பஜார் தெரு ஆகிய பகுதிகளில் 5000க்கும் மேற்பட்ட இஸ்லாமியர்கள் கலந்து கொண்டு பக்ரீத் தொழுகையில் ஈடுபட்டனர்.

பக்ரீத் பண்டிகையை முன்னிட்டு உலக பிரசித்திப் பெற்ற நாகூர் ஆண்டவர் தர்காவில் சிறப்பு தொழுகை நடைபெற்றது.

மேலும் குர்பானி எனப்படும் ஆடு, ஒட்டகங்களை அறுத்து ஏழை, எளியவர்களுக்கு பகிர்ந்தளித்து தங்களது ஈகையை வெளிப்படுத்தினர்.