இந்தியா முழுவதும் விற்பனைக்கு வரும் “அம்மா உப்பு”: தமிழக அரசு அறிவிப்பு

தமிழகத்தில் விற்பனை செய்யப்படும் “அம்மா உப்பு” பிறமாநிலங்களிலும் விற்பனைக்கு அனுப்பப்படும் என தமிழக அரசு அறிவித்துள்ளது.
தமிழக சட்டப்பேரவையில் தாக்கல் செய்யப்பட்ட கொள்கை முடிவு தொடர்பான அறிக்கையில் இது தொடர்பாக அறிவிக்கப்பட்டுள்ளது.

அந்த அறிக்கையில் கூறப்பட்டுள்ளதாவது:-

“தமிழகத்தில் தமிழ்நாடு உப்பு உற்பத்திக் கழகத்தால் ‘அம்மா உப்பு’ தொடர்ந்து விற்பனை செய்யப்பட்டு வருகிறது.

தமிழக மக்கள் அளித்துவரும் அமோக ஆதரவால் ‘அம்மா உப்பு’ அறிமுகப்படுத்தப்பட்ட நாளில் இருந்து கடந்த ஆகஸ்ட் மாதம் வரை சுமார் 6 ஆயிரத்து 760 டன் அளவுக்கு விற்பனையாகி உள்ளது.

இந்நிலையில் இந்த உப்பு டெல்லி, குஜராத், ராஜஸ்தான், மகாராஷ்ட்ரா, பஞ்சாப், கர்நாடகம், கேரளா, ஆந்திரப்பிரதேசம், அரியானா, உத்தரப்பிரதேசம் போன்ற மாநிலங்களிலும் அறிமுகப்படுத்தப்படும்” என்று அந்த அறிக்கையில் தெரிவிக்கப்பட்டுள்ளது.