அவரைக்காய் சாப்ஸ்

தேவையான பொருட்கள்

அவரைக்காய் _ 1/4 கிலோ

வெங்காயம் _ ஒன்று

தக்காளி _ ஒன்று (சிறியதாக)

மிளகாய் தூள் _ 1 தேக்கரண்டி

மஞ்சள் தூள் _ 1/4 தேக்கரண்டி

இஞ்சி,பூண்டு அரவை _ 1 தேக்கரண்டி

எண்ணெய் _ 3 தேக்கரண்டி

கறிவேப்பிலை _ ஒரு கொத்து



செய்முறை

அவரைக்காயின் முனைகளை அரிந்து விட்டு கழுவி வைத்துக்கொள்ளவும்.

வெங்காயம் தக்காளிகளை பொடியாக நறுக்கி வைத்துக் கொள்ளவும்.

ஒரு வானலியில் எண்ணெய் ஊற்றி சூடு வந்ததும்,அரிந்த வெங்காயம் சேர்த்து நன்கு வதக்கவும்.

வதங்கியதும் இஞ்சி,பூண்டு அரவையை சேர்த்து சிறிது வதக்கவும்.

பிறகு தக்காளி சேர்த்து நன்கு வதங்கிய பின்,மசாலாதூள்களை சேர்க்கவும்.

வதக்கியதும்,அவரைக்காயை சேர்த்து சிறிது நேரம் பிரட்டி தேவையான அளவு உப்பு சேத்து சிறிதளவு தண்ணீர் தெளித்து மூடி போட்டு மிதமான தீயிலேயே வேக விடவும்.

தண்ணீர் சுண்டியும் அவைரைக்காய் வெந்தும் இருப்பின் அடுப்பிலிருந்து இறக்கவும்.

இது சாம்பார்,தயிர் சாதம் இவற்றிற்க்கு தொட்டு கொள்ள மிகவும் நன்றாக இருக்கும்