ராஜஸ்தானி கட்டா

கட்டா தயாரிக்க :
கடலை மாவு - 200 கிராம்
மிளகாய்த்தூள் - 1 டீஸ்பூன்
பெருங்காயப்பொடி - 2 பின்ச்
எண்ணெய் - 2 டீஸ்பூன்
உப்பு மற்றும் தண்ணீர் - தேவைக்கு
கிரேவி தயாரிக்க:
நெய் அல்லது எண்ணெய் - 2 டேபிள்ஸ்பூன்
கடுகு - அரை ஸ்பூன்
சீரகம் - அரை ஸ்பூன்
கறிவேப்பிலை - 2 இணுக்கு
மஞ்சள் பொடி - அரைஸ்பூன்
மிளகாய்ப்பொடி - 1 டீஸ்பூன்
மல்லிப்பொடி- 1 டீஸ்பூன்
புளித்த தயிர் - 1 கப்
கொத்தமல்லி இலை - சிறிது
உப்பு - தேவைக்கு


முதலில் கடலை மாவில் மிளகாய்த்தூள், உப்பு, எண்ணெய், பெருங்காயம் ஆகியவற்றை கலந்து சிறிது நீர் சேர்த்து குழைத்து கொள்ளவும்.
அதனை சிறிய உருளை போல் ஆக்கி பின் லேசாக அழுத்தி சேப் செய்து கொள்ளவும்.
பின்பு அவற்றை ஒரு அகலமான பாத்திரத்தில் தேவைக்கு தண்ணீர் வைத்து கொதிக்க வைக்கவும், நன்கு கொதி வந்த பின்பு ஒவ்வொன்றாக போட்டு, மொத்தத்தையும் மூடி வேக வைக்கவும், 20 நிமிடம் ஆகும்.
வெந்த பின்பு தனியாக எடுத்து வைக்கவும். வேக வைத்த நீரை எடுத்து வைக்கவும்.
பின்பு கிரேவி தயாரிக்க கடாயில் எண்ணெய் அல்லது நெய் விட்டு கடுகு, சீரகம், கறிவேப்பிலை தாளிக்கவும். அதில் மஞ்சள், தனியா, மிளகாய்ப்பொடி வகைகளை சிறிது தண்ணீர் சேர்த்து கரைத்து விடவும். கொதி வந்ததும் தயிர் சேர்த்து நன்றாக கலந்து எல்லாம் ஒன்று சேரும்படி செய்யவும். 5 நிமிடம் சிம்மில் வைக்கவும். கட்டா வேக வைத்த நீரை சிறிது சேர்க்கவும்.
தயார் செய்து வைத்த கட்டாவை சேர்க்கவும். 7 நிமிடம் கழித்து அடுப்பை அணைக்கவும். கெட்டியாகி இருக்கும். கொத்தமல்லி இலை தூவி பரிமாறவும்.
சுவையான ராஜஸ்தானி கட்டா ரெடி. இதனை புல்கா, பரோட்டாவுடன் பரிமாறவும்.