பரங்கிக்காய் மொச்சை பொரியல்

பரங்கிக்காய் - ஒரு துண்டு,
பச்சை மொச்சை விதை - 1/4 கிலோ,
சின்ன வெங்காயம் - 5,
காய்ந்த மிளகாய் - 3,
துருவிய தேங்காய் - 2 ஸ்பூன்,
கறிவேப்பிலை - சிறிது,
பெருங்காயம் - சிறிது,
கடுகு - 1/2 டீஸ்பூன்,
உப்பு - தேவையான அளவு,
எண்ணெய் - 1 ஸ்பூன்,


பரங்கிக்காயை 1/2 அங்குல துண்டுகளாக நறுக்கி வைக்கவும்.
மொச்சையை 1 மணி நேரம் தண்ணீரில் ஊற வைக்கவும்.
பின் தண்ணீரில் இருந்து எடுத்து, கட்டை விரலுக்கும், ஆள் காட்டி விரலுக்கும் நடுவில் வைத்து நசுக்கினால், தோலும், பருப்பும் தனித்தனியே வந்து விடும்.
பருப்பை தனியே எடுத்து வைத்துக் கொள்ளவும்.
வாணலியில் எண்ணெய் ஊற்றி, கடுகு, கறிவேப்பிலை, பெருங்காயம் தாளித்து, நீளமாக நறுக்கிய வெங்காயம், கிள்ளிய மிளகாய் சேர்த்து வதக்கவும்.
வதங்கிய பின், மொச்சையை சேர்த்து 1 டம்ளர் தண்ணீர் சேர்த்து வேக வைக்கவும்.
மொச்சை வெந்தவுடன் பரங்கிக்காயை சேர்த்து வதக்கி, உப்பு, சிறிதளவு தண்ணீர் தெளித்து, மூடி வைக்கவும்.
பரங்கிக்காய் வெந்தவுடன் துருவிய தேங்காய் சேர்த்து இறக்கவும்.