பருப்பு முருங்கைக்காய் குழம்பு

வேகவைத்து கொள்ள:
துவரம் பருப்பு - அரை டம்ளர்
மஞ்சள் தூள் - கால் தேக்கரண்டி
தனியாக வேக வைக்க:
முருங்கைக்காய் - ஒன்று முழுசு ( இரண்டு இன்ச் நீளத்திற்கு நறுக்கிக் கொள்ளவும்)
வெங்காயம் - இரண்டு
தக்காளி - ஒன்று
பச்சைமிளகாய் - ஒன்று
மிளகாய் தூள் - அரை தேக்கரண்டி
மஞ்சள் தூள் - கால் தேக்கரண்டி
உப்பு - ஒரு தேக்கரண்டி
தாளிக்க:
எண்ணெய் - மூன்று தேக்கரண்டி
காய்ந்த மிளகாய் - மூன்று
கடுகு - ஒரு தேக்கரண்டி
வெங்காயம் - பாதி
பூண்டு - மூன்று
கறிவேப்பிலை - கொஞ்சம்
கொத்தமல்லி தழை - கொஞ்சம்


பருப்பை மஞ்சள் தூள் சேர்த்து குழைய வேக வைக்கவும்.
வேக வைக்க வேண்டியவைகளை இரண்டு டம்ளர் தண்ணீர் ஊற்றி வேக வைக்கவும்.
வெந்ததும் பருப்பை கரண்டியால் மசித்து சேர்க்கவும்.
கடைசியில் தாளிக்க வேண்டியவைகளை தாளித்து கொத்தமல்லி தழை சேர்த்து இறக்கவும்.