பீட்ரூட் பொடிமாஸ்

பீட்ரூட் - 2 அல்லது 3
பெரிய வெங்காயம் - 2
பச்சை மிளகாய் - 2
பச்சை கொத்தமல்லி - சிறிது
கடலைப்பருப்பு - ஒரு தேக்கரண்டி
தேங்காய்ப் பூ - 3 தேக்கரண்டி
உப்பு - சுவைக்கேற்ப
எண்ணெய், கடுகு, உளுத்தம்பருப்பு - தாளிக்க



வெங்காயம், பச்சை மிளகாய், பச்சை கொத்தமல்லி ஆகியவற்றை பொடியாக நறுக்கி வைத்துக் கொள்ளவும்.


பீட்ரூட்களை அப்படியே முழுதாக குக்கரில் வைத்து வேக வைக்கவும்.


பீட்ரூட் வெந்ததும் எடுத்து தோலை உரிக்கவும். பின்னர் காரட் துருவியில் துருவி எடுத்துக் கொள்ளவும்.


அடுப்பில் வாணலியில் வைத்து எண்ணெய் ஊற்றி காய்ந்ததும் கடுகு, உளுத்தம்பருப்பு போட்டு வெடித்ததும், கடலைப் பருப்பை போட்டு வறுக்கவும்.


பொடியாக நறுக்கி வைத்திருக்கும் பச்சை கொத்தமல்லியை அதில் போட்டு வதக்கவும்.


அதனுடன் நறுக்கின வெங்காயம், பச்சை மிளகாயை போட்டு வதக்கவும்.


துருவிய பீட்ரூட், உப்பு, தேங்காய்ப்பூ, எல்லாவற்றையும் அதில் போட்டு நன்றாகக் கிளறவும்.


சுவையான பீட்ரூட் பொடிமாஸ் தயார். பீட்ரூட்டை இந்த முறையில் முழுதாக வேக வைத்து துருவி செய்வதால், சுலபமாக ஜீரணமாகிறது.