செர்ரி டொமெட்டோ சாலட் (Cherry Tomato)

செர்ரி டொமெட்டோ (குட்டி தக்காளி) – ஒரு பாக்ஸ் (குறைந்தது 20 – 25 தக்காளிகள்)
கறிவேப்பிலை – 5 இலைகள்
எண்ணெய் – 1/2 தேக்கரண்டி
பூண்டு – 3
உப்பு – தேவைக்கு
மிளகு தூள் – 1/2 தேக்கரண்டி
கொத்தமல்லி, புதினா - சிறிதளவு



பூண்டு பற்களை நசுக்கி வைத்துக் கொள்ளவும். தக்காளியை இரண்டாக நறுக்கிக் கொள்ளவும்.


கடாயில் எண்ணெய் ஊற்றி காய்ந்ததும் நசுக்கி வைத்திருக்கும் பூண்டினை போட்டு வதக்கவும்.


அதன் பின்னர் பூண்டுடன் தக்காளி மற்றும் கறிவேப்பிலை சேர்த்து ஒரு நிமிடம் வதக்கவும்.


பிறகு அதனுடன் மிளகு தூள் மற்றும் உப்பு சேர்த்து மேலும் ஒரு நிமிடம் வதக்கி விடவும்.


கடைசியில் பொடியாக நறுக்கிய கொத்தமல்லி மற்றும் புதினாவினை சேர்த்து கிளறவும்.