தக்காளி சிக்கன்

சிக்கன் - அரை கிலோ
தக்காளி - 2
இஞ்சி பூண்டு விழுது - 2 தேக்கரண்டி
பச்சை மிளகாய் - 3
மிளகு தூள் - ஒரு தேக்கரண்டி
சீரகப்பொடி - ஒரு தேக்கரண்டி
உப்பு - தேவைக்கு
பெரிய வெங்காயம் - ஒன்று (பொடியாக நறுக்கவும்)
எண்ணெய் - தாளிக்க தேவையான அளவு
பட்டை - ஒரு துண்டு
கறிவேப்பிலை - ஒரு கொத்து



மிக்ஸியில் தக்காளி மற்றும் பச்சை மிளகாயை போட்டு விழுதாக அரைத்து எடுக்கவும்.


வாணலியில் எண்ணெய் ஊற்றி காய்ந்ததும் பட்டை, கறிவேப்பிலை தாளித்து அதில் வெங்காயம் சேர்த்து நன்கு வதக்கவும்.


வதக்கியவற்றுடன் சிக்கன் மற்றும் இஞ்சி பூண்டு விழுது சேர்த்து வதக்கவும்.


வதங்கிய சிக்கனில் மிளகு தூள், சீரக தூள், உப்பு சேர்த்து பிரட்டி விடவும்.


கடைசியாக அரைத்த தக்காளி, பச்சை மிளகாய் விழுது சேர்த்து கிளறவும்.


எல்லாம் சேர்ந்து வதங்கியதும் ஒரு தம்ளர் தண்ணீர் ஊற்றி மூடி வைத்து நன்கு வேக வைக்கவும்.


சிக்கன் நன்கு சுருள வெந்ததும் இறக்கவும். விருப்பப்பட்டால் கிரேவியாக இருக்கும் போதே இறக்கி விடலாம். சுவையான தக்காளி சிக்கன் தயார்.