சோயா கத்தரிக்காய் பிரட்டல்

சோயா - 100 கிராம்
கத்தரிக்காய் - ஒன்று (பெரியது)
தக்காளி - ஒன்று
பெரிய வெங்காயம் - ஒன்று
பச்சை மிளகாய் - ஒன்று
பூண்டு - 4 பற்கள்
மிளகாய்த் தூள் - 3 தேக்கரண்டி
உப்பு, எண்ணெய் - தேவையான அளவு
கடுகு, சோம்பு, வெந்தயம், கறிவேப்பிலை - தாளிக்க



சோயாவை சுடுநீரில் ஊற வைக்கவும். ஊறியதும் நீரைப் பிழிந்துவிட்டு சிறு துண்டுகளாக வெட்டிக் கொள்ளவும்.


கத்தரிக்காயை நீரில் சுத்தம் செய்து சிறு துண்டுகளாக நறுக்கி வைக்கவும்.


நறுக்கிய கத்தரிக்காயை எண்ணெயில் போட்டு பொரித்தெடுத்துக் கொள்ளவும்.


பிறகு வாணலியில் எண்ணெய் விட்டு கடுகு, சோம்பு, வெந்தயம், கறிவேப்பிலை தாளித்து, நீளமாக நறுக்கிய வெங்காயம் மற்றும் பச்சை மிளகாய் சேர்த்து வதக்கவும்.


வெங்காயம் வதங்கியதும் சோயா துண்டுகளைச் சேர்த்துக் கிளறவும். 2 நிமிடங்கள் கழித்து தீயைக் குறைத்து விட்டு, நறுக்கிய தக்காளி மற்றும் உப்பு சேர்த்து வதக்கவும்.


நன்றாக வதங்கியதும் மிளகாய்த் தூளைச் சேர்த்துக் கிளறி, தேவையான அளவு நீர் ஊற்றி தீயை அதிகமாக வைத்து கொதிக்கவிடவும்.


தண்ணீர் வற்றியதும் பொரித்த கத்தரிக்காயைச் சேர்த்துக் கிளறிவிட்டு, கறிவேப்பிலை தூவி இறக்கவும்.


சுவையான சோயா கத்தரிக்காய் பிரட்டல் தயார்.