வெஜிடபிள் கட்லெட்

உருளைக்கிழங்கு - 4
பொடியாக நறுக்கிய கேரட் - ஒன்று
பட்டாணி - கால் கப்
பொடியாக நறுக்கிய பீன்ஸ் - 10
பொடியாக நறுக்கிய வெங்காயம் - ஒரு கப்
இஞ்சி, பூண்டு விழுது - அரை தேக்கரண்டி
மிளகாய் தூள் - 1 1/2 தேக்கரண்டி
கரம் மசாலாத்தூள் - ஒரு தேக்கரண்டி
மஞ்சள் தூள் - அரை தேக்கரண்டி
கொத்தமல்லி இலை - சிறிதளவு
மைதாமாவு - அரை கப்
பிரட் தூள் - அரை கப்
எண்ணெய் - தேவையான அளவு
உப்பு - தேவையான அளவு


குக்கரில் கேரட், பீன்ஸ், பட்டாணி, உருளைக்கிழங்கு சேர்த்து வேகவைத்துக் கொள்ளவும். உருளைக்கிழங்கின் தோலை உரித்து நன்கு மசித்துக் கொள்ளவும்.
வாணலியில் எண்ணெய் விட்டு சூடானதும் பொடியாக நறுக்கிய வெங்காயம், இஞ்சி, பூண்டு விழுது போட்டு நன்கு வதக்கவும்.
பின் வேகவைத்த கேரட், பீன்ஸ், பட்டாணி, மசித்த கிழங்கு, உப்பு, மிளகாய்தூள், கரம் மசாலாத்தூள், மஞ்சள்தூள், கொத்தமல்லி இலை சேர்த்து நன்றாக கிளறி இறக்கவும்.
மைதா மாவை சிறிதளவு தண்ணீர் விட்டு கரைக்கவும். காய்கறி கலவையை சிறு உருண்டைகளாக உருட்டி பின் வட்ட வடிவில் தட்டவும்.
பின் அதனை கரைத்த மாவில் முக்கி பின் பிரட் தூளில் புரட்டி சூடான எண்ணெயில் போட்டு பொரிக்கவும்.