பட்டாணி மசாலா கிரேவி

பச்சைப்பட்டாணி (முதல் நாள் இரவே ஊற வைத்தது) - 2 கப்
வேக வைத்த உருளைக்கிழங்கு - 2
தேங்காய் துருவியது - ஒரு கப்
வெங்காயம் - ஒன்று
சிவப்பு மற்றும் பச்சை மிளகாய் - 4
கடலைப்பருப்பு - 1/2 தேக்கரண்டி
துவரம் பருப்பு - ஒரு தேக்கரண்டி
தனியா - ஒரு தேக்கரண்டி
சீரகம் - ஒரு தேக்கரண்டி
கொத்தமல்லி இலை - சிறிது
கறிவேப்பிலை - ஒரு கொத்து
உப்பு - தேவையான அளவு


ஊறிய பட்டாணியை உப்பு போட்டு வேக விடவும்.
ஒரு கடாயில், கடலைப்பருப்பு, துவரம் பருப்பு, தனியா இவைகளை எண்ணெய் விடாமல் வறுத்து வைத்துக் கொள்ளவும்.
பிறகு தனியாக நறுக்கி வைத்துள்ள வெங்காயத்தையும் எண்ணெய் விட்டு வதக்கவும்.
வதக்கிய வெங்காயத்துடன் துருவிய தேங்காய், வறுத்தெடுத்த மற்றவைகளை வைத்து அரைத்துக் கொள்ளவும்.
ஒரு கடாயில் தேங்காய் எண்ணெய் ஊற்றி, எண்ணெய் காய்ந்ததும், கடுகு, கறிவேப்பிலை, சீரகம் போட்டு, பிறகு அரைத்து வைத்துள்ள மசாலாவை போட்டு கிளறவும்.
கொதிக்க ஆரம்பித்ததும் வேக வைத்த உருளை மற்றும் பச்சை பட்டாணியையும் போட்டு கலக்கவும்.
அதெல்லாம் கலவையாக சேர்ந்த பிறகு கொத்தமல்லித் தழை போட்டு சிறிது தயிர் (அல்லது மோர்) விட்டு கலக்கவும்.
இதை சப்பாத்தி அல்லது பரோட்டாவுடன் சாப்பிடலாம்.