பேபிபொட்டேடோ கிரேவி

சிறிய உருளைக்கிழங்கு - 250 கிராம்
வெங்காயம் - 2
இஞ்சி - விரல் அளவு
பூண்டு - 10 பல்
வரமிளகாய் - 5
கசகசா - சிறிதளவு
டொமேடோ கெட்சப் - 5 மேசைக்கரண்டி
கொத்தமல்லி - கால் கட்டு
உப்பு - தேவையான அளவு
எண்ணெய் - பொரிப்பதற்கு



உருளைக்கிழங்கை முழுதாக வேக வைத்து தோலுரித்து வைக்கவும்.


இஞ்சி, பூண்டு, கொத்தமல்லி, வரமிளகாய், கசகசா, வெங்காயம் ஆகியவற்றை மிக்ஸியில் போட்டு நைசாக அரைத்துக் கொள்ளவும்.


கடாயை அடுப்பில் வைத்து சிறிது தாரளமாக எண்ணெய் விட்டு வேக வைத்த உருளைக்கிழங்கை மேல்புறம் சற்று மொருமொருவென ஆகும்படி பொரித்து எடுத்து தனியே வைக்கவும்.


பிறகு கடாயை அடுப்பில் வைத்து எண்ணெய் ஊற்றி சீரகம் தாளித்து அரைத்த மசாலாவை போட்டு நன்றாக வதக்கவும்.


அதில் வறுத்த உருளைக்கிழங்கை சேர்த்து வதக்கவும்.


நன்றாக வதங்கியவுடன் டொமேடோ கெட்ச்சப் சேர்க்கவும். 3 நிமிடம் வதங்கியவுடன் அடுப்பை நிறுத்தவும்.


லேசான இனிப்பு சுவையுடன் பேபி பொடேடோ கிரேவி தயார். சப்பாத்தி, பூரிக்கு மிகவும் சுவையாக இருக்கும்.