மாங்காய் இஞ்சி குழம்பு

மாங்காய் இஞ்சி - 50 கிராம்,
சின்ன வெங்காயம் - 200 கிராம்(நறுக்கியது),
தேங்காய் துருவல் - 1/2 மூடி,
கசகசா - 1 டீஸ்பூன்,
காய்ந்த மிளகாய் - 6,
பூண்டு - 4 பல்,
சீரகம் - 1/2 டீஸ்பூன்,
தனியா தூள் - 2 ஸ்பூன்,
மஞ்சள் தூள் - 1/2 டீஸ்பூன்,
புளி - ஒரு பெரிய எழுமிச்சம் பழ அளவு,
கறிவேப்பிலை - சிறிது,
வெல்லம் - சிறிது,
கடுகு - 1/2 டீஸ்பூன்,
உப்பு - தேவையான அளவு,
நல்லெண்ணெய் - 4 ஸ்பூன்.


மாங்காய் இஞ்சியை தோல் சீவி கழுவிவிட்டு, பொடியாக நறுக்கவும்.
புளியை 1 டம்ளர் தண்ணீரில் ஊற வைத்து, கரைத்து வடி கட்டவும்.
வாணலியில் 1/2 ஸ்பூன் எண்ணெய் ஊற்றி, மிளகாய், சீரகம், வெங்காயம், தேங்காய், கசகசா சேர்த்து வதக்கவும்.
ஆறிய பின், அத்துடன் தனியா தூள், சேர்த்து நைசாக அரைக்கவும்.
அரைத்த விழுதை புளிகரைசலுடன் சேர்த்து கரைத்து வைக்கவும்.
வாணலியில் மீதி எண்ணெயை ஊற்றி, கடுகு, பூண்டு, 2 சின்ன வெங்காயம் நறுக்கியது, கறிவேப்பிலை தாளித்து நறுக்கிய மாங்காய் இஞ்சி சேர்த்து வதக்கவும்.
இஞ்சி நன்கு வதங்கியதும் கரைத்து வைத்த புளிக்கரைசலை ஊற்றி, மஞ்சள் தூள், உப்பு, வெல்லம் போட்டு கொதிக்க விடவும்.
குழம்பு கெட்டியாகி எண்ணெய் மிதக்கும் போது இறக்கவும்.