பாதுகாப்பு இராஜாங்க அமைச்சருக்கும் ,புதிய விமானப்படை தளபதிக்கும் இடையில் சந்திப்பு

விமானப் படையின் புதிய தளபதியாக பதவியேற்றுள்ள ககன் புளத்சிங்களவுக்கும், பாதுகாப்பு இராஜாங்க அமைச்சர் ருவன் விஜேவர்தனவுக்கும் இடையில் சந்திப்பொன்று இடம்பெற்றுள்ளது.
இச்சந்திப்பு இன்று பாதுகாப்பு அமைச்சில் இடம்பெற்றுள்ளதாக தெரிவிக்கப்படுகின்றது.

இலங்கை விமான படை ஐக்கிய நாடுகளின் அமைதி காக்கும் நடவடிக்கைகளில் ஈடுபடும் என பாதுகாப்பு இராஜாங்க அமைச்சர் ருவன் விஜேவர்தன இதன் போது குறிப்பிட்டுள்ளார்.

விமானப்படையின் தற்போதைய அனுபவப்பூர்வமான சேவைகள் குறித்து விமானபடை தளபதி இச்சந்திப்பின் போது பகிர்ந்துக்கொண்டார் என ருவன் விஜேவர்தன மேலும் தெரிவித்துள்ளார்.