ஏர் இந்தியா விமானத்தில் நடுவானில் ஏற்பட்ட தீ விபத்து: பயணிகள் காயம்

டெல்லி சென்ற ஏர் இந்தியா விமானத்தில் திடீரென தீ விபத்து ஏற்பட்டதால் பெரும் பரபரப்பு ஏற்பட்டுள்ளது.
வாரணாசியிலிருந்து டெல்லி சென்ற ஏர் இந்தியா விமானம் 130க்கும் மேற்பட்ட பயணிகளுடன் நடுவானில் பறந்துகொண்டிருந்த போது, முன்பக்க சக்கரத்தில் தீப்பிடித்துள்ளது.

இதனை அறிந்த விமானி உடனடியாக டெல்லியில் உள்ள சர்வதேச விமான நிலையத்தில் விமானத்தை தரையிறக்கியுள்ளார்.

விமானம் தரையிறங்கியவுடன் விமான நிலையத்திற்கு வந்த பாதுகாப்பு படையினர் பயணிகளை பத்திரமாக மீட்டனர். இதில் சிலருக்கும் மட்டும் லேசான காயம் ஏற்பட்டுள்ளது.

தற்போது இந்த திடீர் தீ விபத்திற்கான காரணம் குறித்து அதிகாரிகள் விசாரணை நடைபெற்று வருகிறது.