ராஜபக்ச இனவெறியை பரப்பி அதிகாரத்தை கைப்பற்றுவதற்கு முயற்சி: பிரதமர்

ராஜபக்ச இனவெறியை பரப்பி அதிகாரத்தை கைப்பற்றுவதற்கு முயற்சிப்பதாக பிரதமர் ரணில் விக்ரமசிங்க தெரிவித்துள்ளார்.
அம்பாறையில் நேற்று இடம்பெற்ற மக்கள் சந்திப்பொன்றில் கலந்துகொண்டு கருத்து தெரிவிக்கும் போதே அவர் இவ்வாறு குறிப்பிட்டுள்ளார். தொடர்ந்து கருத்து வெளியிட்டவர்,

சிங்களம், தமிழ், முஸ்லீம், பெளத்தம், இந்து, கிறிஸ்தவம் என அனைத்து மதத்தை சேரந்தவர்களும் வாழக்கூடிய வகையிலான சூழலை கொண்ட புதிய நாடு ஒன்றே 60 மாதங்களில் உருவாக்குவாக்கப்படும்.

மீண்டும் ராஜபக்ச ஆட்சி இந்நாட்டினுள் இனவெறியை பரப்புவதற்கு முயற்சிக்கின்றது. மத பிளவுகளை ஏற்படுத்த முயற்சிக்கின்றது.

அவற்றில் ஒன்றையும் மேற்கொள்வதற்கு இடமளிக்க மாட்டோம். அப்படி செய்வார்கள் என்றால் அவர்களுக்கு அவசியமான சட்டத்தை கொண்டு வந்து இந்த நாட்டை ஒன்று படுத்துவோம்.

ராஜபக்சவின் இனவெறி என்பது குடும்ப ஆட்சி, சர்வாதிகாரம், மோசடிகள் என மாத்திரம் கூற விரும்புகின்றேன் என பிரதமர் ரணில் விக்ரமசிங்க மேலும் தெரிவித்துள்ளார்.