சரத் வீரசேகரவிற்கு எதிராக ஒழுக்காற்று நடவடிக்கை?

19ம் திருத்தச் சட்டத்திற்கு எதிராக வாக்களித்த நாடாளுமன்ற உறுப்பினர் சரத் வீரசேகரவிற்கு எதிராக ஒழுக்காற்று நடவடிக்கை எடுக்க கட்சித் தீர்மானித்துள்ளது.
சரத் வீரசேகர ஸ்ரீலங்கா சுதந்திரக் கட்சியின் உறுப்பினர் என்பது குறிப்பிடத்தக்கது.

19ம் திருத்தச் சட்டத்திற்கு ஆதரவாக வாக்களிப்பது என ஐக்கிய மக்கள் சுதந்திரக் கூட்டமைப்பு தீர்மானித்திருந்தது.

எனினும் கட்சியின் விதிகளுக்கு புறம்பான வகையில் திருத்தச் சட்டம் குறித்த நேற்றைய இரண்டாம் மூன்றாம் வாசிப்பு மீதான வாக்கெடுப்பின் போது எதிராக வாக்களித்திருந்தார்.

சரத் வீரசேகரவிற்கு எதிராக ஒழுக்காற்று நடவடிக்கை எடுப்பது குறித்து கவனம் செலுத்தப்பட்டு வருவதாக ஐக்கிய மக்கள் சுதந்திரக் கூட்டமைப்பின் பொதுச் செயலாளர் சுசில் பிரேமஜயந்த தெரிவித்துள்ளார்.