மைத்திரி, அத்துரலிய தேரர் மற்றும் சோபித்த தேரர் இணைந்து புதிய கூட்டணி

நாட்டின் எதிர்கால அரசியல் சவால்களை வெற்றிக்கொள்ளும் நோக்கில் ஜனாதிபதி மைத்திரிபால சிறிசேன தலைமையில் மாதுலுவாவே சோபித்த தேரர், அத்துரலிய ரத்ன தேரர் ஆகியோர் இணைந்து புதிய தேசியக் கூட்டணி ஒன்றை உருவாக்கவுள்ளதாக அரசியல் வட்டாரங்கள் தெரிவிக்கின்றன.
புதிய கூட்டணியை உருவாக்குவதற்கான நடவடிக்கைகள் தற்பொழுது ஆரம்பிக்கப்பட்டுள்ளதாகவும் தெரிய வருகின்றது.
மகா சங்கத்தினர் சிங்கள, தமிழ், முஸ்லிம் சமூகத்தை பிரதிநிதித்துவப்படுத்துகின்ற அரசியல் கட்சி, சிவில் சமூக அமைப்பு மற்றும் வெகுஜன அமைப்புக்களை ஒன்றிணைத்துக்கொண்டு இக்கூட்டணி உருவாக்கப்படவுள்ளது.

இக்கூட்டணியைக் கட்டியெழுப்பும் நோக்கில், இதன் முதல் கட்டமாக பிரதிநிதிகள் பேரணி கொழும்பு விஹாரமகா தேவி பூங்காவில் கடந்த புதன் கிழமை இடம்பெற்றுள்ளது.

“நாட்டை ஒன்றிணைக்கும் சுதந்திர யுகம்” என்ற தொனிப்பொருளில் புதிய கூட்டணியினால் நாடு பூராகவும் அரசியல் கூட்டங்கள், கருத்தரங்குகள் மற்றும் சொற்பொழிவுகள் என்பன ஒழுங்கு செய்யப்பட்டுள்ளது.

நாட்டின் அரசியல் மற்றும் பொருளாதார சீர்த்திருத்தங்கள் போன்று ஜனநாயகத்தை நிலைநாட்டும் வலுவான அரசியலமைப்பை கட்டியெழுப்புவதே இதன் நோக்கமாகும்.

கொழும்பு விஹாரமகா தேவி பூங்காவில் கடந்த புதன் கிழமை இடம்பெற்ற பேரணியில் மாதுலுவாவே சோபித்த தேரர், அத்துரலிய ரத்தன தேரர் மற்றும் தமிழ் அரசியல் கட்சியின் சிவில் சமூக அமைப்பு மற்றும் அதன் பிரதிநிதிகள் ஆகியோர் கலந்துக்கொண்டமை குறிப்பிடத்தக்கது.