பொலிஸ் அதிகாரிகளின் இடமாற்றங்கள் இரத்து

உடனடியாக அமுலுக்குவரும் வகையில் இன்று முதல் அனைத்து பொலிஸ் அதிகாரிகளினதும் இடமாற்றங்களையும் இரத்து செய்வதற்கு ஜனாதிபதி மைத்திரிபால சிறிசேன அவசியமான ஆலோசனைகளை வழங்கியுள்ளார்.
எதிர்வரும் காலங்களில் இவ்வாறான பொலிஸ் இடமாற்றங்கள் அனைத்தும் விசேட குழுவினூடாகவே இடம்பெறும் என தெரிவிக்கப்படுகின்றது.

குறித்த இடமாற்றங்கள் ஜனாதிபதி செயலாளர், பொது அமைதி தொடர்பான அமைச்சர் மற்றும் பொலிஸ் மா அதிபர் உள்ளடங்கலான மூவரடங்கிய குழுவினூடாக வழங்கப்படும் என ஜனாதிபதி ஊடகப்பிரிவு வெளியிட்டுள்ள அறிக்கையில் குறிப்பிடப்பட்டுள்ளது.

பொலிஸாரின் இடமாற்றத்தை நிறுத்திய ஜனாதிபதி

ஜனாதிபதி மைத்திரிபால சிறிசேன, இன்று அமுலுக்கு வரும் வகையில் அனைத்து பொலிஸ் இடமாற்றங்களையும் நிறுத்துள்ளதாக ஜனாதிபதியின் ஊடகப் பிரிவு தெரிவித்துள்ளது.

ஜனாதிபதியின் செயலாளர், சட்டம் ஒழுங்கு அமைச்சின் செயலாளர் மற்றும் பொலிஸ் மா அதிபர் ஆகிய மூவர் அடங்கிய குழு, பொலிஸாரின் இடமாற்றங்கள் குறித்து தீர்மானிக்க வேண்டும் எனவும் ஜனாதிபதி உத்தரவிட்டுள்ளார்.

அண்மைய காலமாக பொலிஸ் உயர் அதிகாரிகள் இடமாற்றம் செய்யப்பட்டனர். சட்டம், ஒழுங்கு அமைச்சர் ஜோன் அமரதுங்கவின் உத்தரவின் பேரில் இந்த இடமாற்றங்கள் மேற்கொள்ளப்பட்டதாக கூறப்படுகிறது.