இந்திய பாதுகாப்பு மற்றும் நிதி அமைச்சர்களை சந்தித்தார் மைத்திரி

இந்தியாவுக்கு விஜயம் செய்துள்ள ஜனாதிபதி மைத்திரிபால சிறிசேனவை, இந்திய பாதுகாப்பு அமைச்சர் மற்றும், நிதி அமைச்சர் ஆகியோர் சந்தித்துப் பேச்சு நடத்தியுள்ளனர்.
ஜனாதிபதி மைத்திரிபால சிறிசேன தங்கியுள்ள ஐரிசி மௌரியா விடுதியில் நேற்றுமாலை இந்தச் சந்திப்புகள் இடம்பெற்றன.

நேற்றுமாலை 4.45 மணியளவில், மைத்திரியை இந்திய நிதி அமைச்சர் அருண் ஜெட்லி, சந்தித்துப் பேச்சு நடத்தியுள்ளார். இந்தச் சந்திப்பு சுமார் 20 நிமிடங்கள் வரை நீடித்ததாகத் தெரிவிக்கப்படுகிறது.

இதன்போது, கடந்தகால ஊழல்களைக் கண்டறிய நிதிப் புலனாய்வு பிரிவை ஆரம்பிக்க இலங்கைக்கு இந்தியா உதவ வேண்டும் என்று ஜனாதிபதியால், வேண்டுகோள் விடுக்கப்பட்டதாக உறுதிப்படுத்தப்படாத தகவல்கள் கூறுகின்றன.