Tamil Ujiladevi Forum
Tamil Ujiladevi Forum

Tamil Ujiladevi Forum உங்களை அன்புடன் வரவேற்கின்றது!!!

இங்கு உங்களுக்கு எழுத்து சுதந்திரம், கருத்து சுதந்திரம் உண்டு ஆகவே உங்களின் மேலான ஆக்கங்களை பதியுமாறும் அன்புடன் வேண்டுகிறோம் .

தங்களின் படைப்புகள் மற்றும் கருத்துக்களை வெளியிட பதிவு செய்யுங்கள்

நன்றி

Top posting users this month


ஜவ்வரிசி பருப்பு பாயசம்

Go down

ஜவ்வரிசி பருப்பு பாயசம்

Post by oviya on Tue Dec 15, 2015 2:06 pm

தேவையானப்பொருட்கள்:

பயத்தம் பருப்பு - 1/2 கப்
ஜவ்வரிசி - 1/4 கப்
வெல்லம் பொடித்தது - 1/2 கப்
பால் - 1/2 கப்
முந்திரி பருப்பு - சிறிது
காய்ந்த திராட்சை - சிறிது
ஏலக்காய் தூள் - 2 சிட்டிகை
நெய் - 1 டீஸ்பூன்

செய்முறை:

ஜவ்வரிசியை தண்ணீரில் ஒரு மணி நேரம் ஊற வைக்கவும்.

ஒரு வெறும் வாணலியில் பயத்தம் பருப்பைப் போட்டு சிவக்க வறுத்தெடுக்கவும்.

வறுத்த பருப்பை குக்கரில் போட்டு அத்துடன் 2 கப் தண்ணீர் சேர்த்து 4 முதல் 5 விசில் வரும் வரை வேக விட்டு எடுக்கவும்.

2 கப் தண்ணீரை கொதிக்க வைத்து, அதில் ஊற வைத்துள்ள ஜவ்வரிசியைப் போட்டு நன்றாக வேக விட்டு எடுக்கவும்.

வெல்லத்தில் அது மூழ்கும் அளவிற்கு தண்ணீரை விட்டு கொதிக்க விடவும். வெல்லம் நன்றாகக் கொதிக்க ஆரம்பித்ததும், அடுப்பிலிருந்து இறக்கி வடிகட்டிக் கொள்ளவும்.

குக்கரைத் திறந்து, வெந்த பருப்பை நன்றாக மசித்துக் கொள்ளவும். திரும்பவும் குக்கரை அடுப்பிலேற்றி, தீயைக் குறைத்து வைத்துக் கொண்டு, வெந்த ஜவ்வரிசியைப் பருப்போடு சேர்த்துக் கிளறவும். பின்னர் அதில் வெல்லப்பாகை விட்டு நன்றாகக் கலக்கவும். பாயசத்தை சில நிமிடங்கள் கொதிக்க விடவும். கடைசியில் பாலை ஊற்றிக் கிளறவும். பாயசம் கெட்டியாக இருந்தால் தேவையான அளவு வென்னீர் அல்லது பாலை சேர்த்துக் கிளறி விடவும்.

முந்திரி, திராட்சையை நெய்யில் வறுத்து பாயசத்துடன் சேர்க்கவும். ஏலக்காய் தூளையும் சேர்த்துக் கிளறி இறக்கி வைக்கவும்.
avatar
oviya

Posts : 50968
மன்றத்தில் இணைத்த தேதி : 12/12/2014

View user profile

Back to top Go down

Back to top


 
Permissions in this forum:
You cannot reply to topics in this forum