புலிகளுக்கு பயந்தே ஜனாதிபதி மாளிகையில் பதுங்குகுழி அமைத்தோம்! மகிந்த

ஜனாதிபதி மாளிகையில் இருப்பது நிலத்தடி மாளிகை அல்ல எனவும் அது போர் காலத்தில் கலந்துரையாடல்களை நடத்த பயன்படுத்தப்பட்ட பதுங்குகுழி என முன்னாள் ஜனாதிபதி மகிந்த ராஜபக்ச தெரிவித்துள்ளார்.
நாராஹேன்பிட்டிய அபயராம விகாரையில் இன்று நடைபெற்ற புத்திஜீவிகளுடனான சந்திப்பில் கருத்து வெளியிடும் போதே அவர் இதனை கூறியுள்ளார்.

போர் நடைபெற்ற காலத்தில் இருந்த அச்சுறுத்தல்கள் காரணமாக அப்படியான பதுங்குகுழியை அமைக்கும் தேவையை ஏற்படுத்தியது என்றும் அதன் காரணமாக அதனை நிர்மாணித்ததாகவும் அவர் கூறியுள்ளார்.

புலிகளின் வானில் விமானங்களில் வந்து தாக்கினர் என்பதை தற்போதைய இளைஞர்கள் மறந்து விட்டனர்.

புலிகளிடம் விமானங்கள், கப்பல்கள் இருப்பதாக கூறப்பட்ட போது நாங்கள் அதற்கு தயாரானோம் எனவும் மகிந்த ராஜபக்ச மேலும் தெரிவித்துள்ளார்.