பிரித்தானிய உயர்ஸ்தானிகராக சித்திராங்கனி வாகிஸ்வரா நியமனம்

வெளியுறவு அமைச்சின் செயலாளர் சித்திராங்கனி வாகிஸ்வரா, பிரித்தானியாவுக்கான உயர்ஸ்தானிகராக பரிந்துரைக்கப்பட்டுள்ளார்.
1981ஆம் ஆண்டு வெளிநாட்டு சேவைகளில் இணைந்த வாகிஸ்வரா, ஜெயவர்த்தனபுர பல்கலைக்கழகத்தின் வர்த்தக பட்டதாரியாவார்.

அவர், முதல் தடவையாக 1984ஆம் ஆண்டு இத்தாலிக்கான தூதரகத்தின் மூன்றாம் செயலாளராக நியமிக்கப்பட்டார்.

பின்னர், கனடாவுக்கான முதல் செயலாளராக 1991ஆம் ஆண்டு நியமிக்கப்பட்ட அவர், 1996ஆம் ஆண்டு லண்டனுக்கான பிரதி உயர்ஸ்தானிகராக நியமனம் பெற்றார்.

1999இல் சிங்கப்பூரின் உயர்ஸ்தானிகராக அவர் நியமிக்கப்பட்டார். பின்னர் 2005ஆம் ஆண்டு பிரான்ஸ் மற்றும் யுனெஸ்கோவின் தூதுவராக செயற்பட்டார்.

2010ஆம் ஆண்டு கனடாவின் உயர்ஸ்தானிகராக சேவை நியமனம் செய்யப்பட்டார்.

இதேவேளை பிரித்தானியாவுக்கான உதவி உயர்ஸ்தானிகராக சுகீஸ்வரா குணரத்ன நியமிக்கப்பட்;டுள்ளார். இவர் வெளியுறவு அமைச்சின் பணிப்பாளராக செயற்பட்டு வருகிறார்.